Followers

Thursday, May 3, 2012

നിശീഥിനി


     ലീല എം ചന്ദ്രന്‍

തമസ്സുറങ്ങുന്ന മുറിയിലേക്കിതാ
നിലാവ് പെയ്യുന്ന ശിഥില രേഖകള്‍
ചെറു ജനാലതന്‍ മറവില്‍ നിന്നൊരു
നിഴല്‍ ചിരിക്കുന്നു പടം നിവര്‍ത്തുന്നു,
തൊടിയിലെ പനമുകളില്‍ നിന്നൊരു
ഭയം കനത്തു വന്നൊളിഞ്ഞു നോക്കുന്നു.
വിറങ്ങലിച്ചൊരു  നിശീഥിനിയുടെ
വിധുര സ്വപ്നങ്ങള്‍ കരിഞ്ഞമരുന്നു,
നരകവാതിലിനരികില്‍ മൂങ്ങതന്‍
പഴയശീലുകള്‍ മുഴങ്ങി നില്‍ക്കുന്നു.